Hot Jobs

Kaitohutohu Mātāmua Ako/Whanaketanga

Location:
Wellington
Type:
Permanent / Full Time
Reference:
305415 Te Reo

Kia ūkaipō anō te reo Māori:
Koinei te tūrua pō o te rautaki reo Māori hou e kīia nei ko Te Maihi Māori, he mea waihanga e ngāi Māori mā ngā kāinga, ngā hapori me ngā iwi.

I te tīmatanga o te tau 2017 i hui tahi Te Mātāwai me ngā rōpū whai pānga huri noa i te motu ki te kohi haere i ngā kōrero mō ngā kaupapa reo Māori kei ngā kāinga, ngā hapori; ngā wawata kei a rātou e pā ana ki te reo Māori, tae noa ki ngā mahi a Te Mātāwai hei whakatutuki i ēnei wawata. Nā runga i ēnei kohinga kōrero i hua mai ai Maihi Māori 2017-2040.
  
Te tūranga mahi:
Kua ara mai he āheinga pārekareka rawa atu mō tētahi Kaitohutohu Mātāmua Ako/Whanaketanga taiea kia mahi i tēnei wāhi mahi whakahirahira mō tētahi tūranga pūmau tekau mā rua marama te roa. He hunga ngākau nui kei Te Mātāwai e kaha pupuri ana i te mana me te whakarauoratanga o te reo Māori.   
Kei te Kaitohutohu Mātāmua mō ngā take Akoranga/Whanaketanga te haepapa ki te hanga i tētahi pou tarāwaho arataki, whanaketanga, whakangungu hoki mā ngā kaimahi, ngā mema o te Poari me ngā Pae Motuhake. Ko tāu mahi he kōkiri i ētahi hīraunga ako hou kia kairangi ake nei, mā roto i ngā rautaki maha. Āpā noa atu, ko ngā kauhau tuihono ērā, ko ngā papamahi, ko ngā kōwae ako matihiko, me ētahi rauemi hāpai i ngā kaimahi.
Ko tāu mahi he tautohu, he whakaraupapa i ngā hiahia whakangungu, whakawhanake hoki a Te Mātāwai mā te toro ki ngā rōpū whai pānga, tae atu hoki ki te mahi kōtui me ngā pakihi kia mārama ai ngā hiahia ako, ā, he tautohu hoki i ngā wāhi kāore nei e tino kaha ana.

He kōrero mōu ake:
Māu anō koe e kuhu, ā, ka noho mai koe hei kaimahi ako/whanaketanga whai mana i runga i:

  • Te hiranga o ōu pūkenga whakamōhiohio, tō pai ki te kōrero Māori, tō mārama hoki ki ngā tikanga me ngā mātāpono o Te Tiriti o Waitangi;
  • Tētahi huarahi mahi tahi kia pai ai te whakakotahitanga mai o te katoa, kia aro kē mai ētahi atu ki āu ārahitanga;
  • Ōu wheako hirahira mō te ārahi i te whakanaketanga, te hanganga, me te whakatutukitanga o ngā whakangungu arotika, tae noa ki ngā hīraunga ako;
  • Ōu wheako ki te ārahi i te hanganga o ētahi hīraunga ākonga hei whakapakaritanga ake;
  • Ōu mōhio me ōu māramatanga ki ngā mātāpono me ngā ahunga ako.

Me pēhea te tono:
Mō ētahi atu pārongo, ā, e tono ai koe ki tēnei tūranga, tēna tirohia te pae tukutuku www.h2r.co.nz/tematawai, whakapā mai ki a Victoria Brice ki 04 4999 471, ā, īmēra mai rānei ki  Victoria.brice@h2r.co.nz nama tohutoro 305415. Ka kati ngā tono hei te Wenerei 13 o Oketopa, 5pm.

Apply Now