Hot Jobs

Kaiwhakahaere Haumitanga mō Te Reo Māori

Location:
Wellington
Type:
Permanent / Full Time
Reference:
403044 Te Reo

Kia ūkaipō anō te reo Māori:
Koinei te tūrua pō o te rautaki reo Māori hou e kīia nei ko Te Maihi Māori, he mea waihanga e ngāi Māori mō ngā kāinga, ngā hapori me ngā iwi.
I te tīmatanga o te tau 2017 i hui tahi Te Mātāwai me ngā rōpū whai pānga huri noa i te motu ki te kohi haere i ngā kōrero mō ngā kaupapa reo Māori kei ngā kāinga, ngā hapori; ngā wawata kei a rātou e pā ana ki te reo Māori, tae noa ki ngā mahi a Te Mātāwai ki te whakatutuki i ēnei wawata. Nā runga i ēnei kohinga kōrero i hua mai ai Te Maihi Māori 2017-2040.

Te tūranga:
Kei tēnei tūranga hiamo, inā rā, mā tō noho hei mema ki tēnei rōpū whakahaere, kei a koe te haepapa ki te ārahi me te whakahaere i ngā tukanga rautaki haumitanga, whakawhiwhinga hoki, me te waihanga hoki i ētahi pou tarāwaho auaha e pā ana ki ngā mahi whakataunga ā-kāhui me ngā mahi whakamahere reo. Mātua rā, ko tāu mahi he whakahaere i te rōpū, he tuku tohutohu, he ārahi hoki i te hunga whai pānga me ngā kaiārahi. Ko tāu mahi hoki he whakarite, he whakahaere i te hōtaka mahi, arā, ko te whakahaere i ngā kirimana, te tiaki i ngā pūrongo me te arotakenga o ngā mahere haumitanga.

He kōrero mōu ake:
E angitū ai koe ki tēnei tūranga hei mema ki te rōpū whakahaere, me whai koe, te kaitono:

  • Te hiranga o ōu pūkenga whakamōhiohio, tō matatau ki te kōrero i te reo Māori, tae noa ki tō mārama ki ngā tikanga me ngā mātāpono o Te Tiriti o Waitangi;
  • Ōu wheako ki ngā mahi whakahaere tahua haumitanga me ngā whakawhiwhinga ki ngā kaupapa kei ngā kāinga, ngā hapori me ngā iwi;
  • He huatau mahi ngātahi i runga i ngā pūkenga tohutohu, ārahi, arataki hoki i te hunga whai pānga i ā rātou tukanga whakatau kaupapa;
  • Ōu pūkenga tātari, wetewete hoki i ngā raruraru, tō ngākau pono me tō taunga ki ngā whakahaerenga tūraru e kitea ai tō māia ki te whakamahi i ēnei momo pūkenga kia whai hua ai ngā whakataunga i ngā wā taumaha;
  • Tō ngākau nui mō te whakarauoratanga o te reo Māori, me ōu wheako mō te mahi tahi atu ki ngā whānau, ngā hapū, ngā iwi, ngā wāhi mahi Māori me ngā hapori Māori hoki.

Me pēhea te tono:
Mō ētahi atu pārongo, ā, e tono ai koe ki tēnei tūranga, tēnā tirohia te pae tukutuku:  www.h2r.co.nz/tematawai, waea mai ki a Kirsty Brown ki: 04 4999 471, īmēra mai rānei ki: kirsty.brown@h2r.co.nz, nama tohutoro 403044. Ka kati ngā tono hei te 22 o Noema, 5pm.

Apply Now